Dörf ich vorstelle: Das sind Elo's. Das isch e Hundezucht, wo's sit em Johr 1987 git.
Scho sit langem, sind mir am überlege, öb mir nid e Hund wänd zue tue. Da heisst, eigentlich wünscht sich mi Maa scho sit er e chline Bueb isch e Hund.
Eso langsam cha au ich mi mit dem Gedanke afründe...
Doderbi bin ich uff die Hunderasse gschtosse, wo mir mitlerwile so sympatisch worde isch. De Elo isch e Züchtig zwüsche emene Eurasier, em Bobtail und emene Chow-chow. Me seit,es isch e ganze e tolle Familiehund, wo nid viel bällt, sehr guet uschunnt mit andere Mensche und Tier.
Und öppe eso, wie's uff em Bild isch, chönnt denn euse Hund emol usgseh. Luschtigerwies, gsend die ebe nid alli glich us. Es git Rauhhoorelo's und Glatthoorelo's.
Jetzt git's no einiges z'Erledige, bis mir denn, wenn alles klappt, Endi Juli euse Hund bechöme.
Jä, jä, das sind News. Ich dänk, ich wird in nöchschter Ziit immer wieder öppis z'brichte ha!
Grüezi...Han grad d Elo`s gseh....Mini Kollegin het die erscht Elo Zucht in dr CH!!!!
AntwortenLöschenUnd sin würklech cooli Hünd...obwohl mir händ en Holländer;-)))
Bin vom Anki (Blog) zu dir cho ;-)))
Griessli GabiB.
Hallihallo GabiB
AntwortenLöschenSorry, ha erscht hüt gmerkt, dass mir do öper gschriebe het. Ha de Blog noni so richtig im Griff. Dini Kollegin isch sicher d'Sandra Lüdi. Mir sin bi ihre gsi go d'Elo's aluege. Ha bis jetzt gar nid gwüsst was en Holländer isch. Isch da richtig, die nennt me Island-Hünd? Gsend toll us!
Lieb's Grüessli Yvonne